Родительский университет

чсмчсм

ПАЛАЖЭННЕ

аб бацькоўскім універсітэце

ДУА “Сіцькоўская  базавая школа”

Агульныя палажэнні

1.1. Сапраўднае Палажэнне распрацавана на падставе інструктыўна-метадычнага пісьма Міністэрства адукацыі Рэспублікі Беларусь “Асаблівасці арганізацыі сацыяльнай, выхаваўчай і ідэалагічнай работы ва ўстановах агульнай сярэдняй адукацыі ў 2021/2022 навучальным годзе”, вызначае ўмовы, парадак арганізацыі, напрамкі дзейнасці, структуру бацькоўскага ўніверсітэта.

1.2. Бацькоўскі універсітэт створаны для псіхолага-педагагічнай асветы бацькоў, азнакамлення з інфармацыяй па розных пытанням выхавання, стварэння ўмоў, якія б садзейнічалі развіццю ўзаемаразумення, супрацоўніцтва сям’і і школы.

1.3. У сваёй рабоце ўніверсітэт кіруецца:

Кодэксам Рэспублікі Беларусь аб адукацыі;

Кодэксам Рэспублікі Беларусь аб шлюбу і сям’і;

іншымі нарматыўнымі прававымі актамі Рэспублікі Беларусь, метадычнымі матэрыяламі Міністэрства адукацыі Рэспублікі Беларусь і гэтым Палажэннем.

1.4. Стварэнне бацькоўскага ўніверсітэта не фіксуецца ў Статуце школы.

1.5. Універсітэт знаходзіцца ў непасрэдным падпарадкаванні дырэктара школы.

1.6. Кіраўніцтва і агульную каардынацыю дзейнасці бацькоўскага універсітэта ажыццяўляе намеснік дырэктара па вучэбна-выхаваўчай рабоце.

1.7. Праводзяць заняткі бацькоўскага ўніверсітэта класныя кіраўнікі, педагог сацыяльны, спецыялісты розных абласцей (кадравыя і інфармацыйныя рэсурсы) Міёрскага раёна.

Мэты, задачы і напрамкі дзейнасці бацькоўскага ўніверсітэта, ступені рэалізацыі і формы правядзення заняткаў.

2.1. Мэтай стварэння бацькоўскага ўніверсітэта з’яўляецца:

стварэнне ўмоў для павышэння педагагічнай і псіхалагічнай культуры бацькоў, фарміравання адказнага, пазітыўнага бацькоўства.

2.2. Задачы:

фарміраванне каштоўнасна-сэнсавых асноў бацькоўства;

актуалізацыя пачуцця адказнасці за выкананне бацькоўскіх функцый;

фарміраванне і развіццё псіхолага-педагагічных кампетэнцый бацькоў у галіне сямейнага выхавання (фарміраванне ведаў аб сямейнай псіхалогіі, дзіцяча-бацькоўскіх адносін, узроставых асаблівасцей дзяцей, фарміраванне гарманічных сямейных адносін, навыкаў канструктыўнага ўзаемадзеяння з дзецьмі і інш.), садзейнічанне развіццю навыкаў самаадукацыі бацькоў;

забеспячэнне мэтанакіраванай работы па прафілактыцы сямейнага недабрабыту і сацыяльнага сіроцтва, зніжэнне рызыкі канфліктных сітуацый і крызісных станаў, узнікнення цяжкасцей у сямейным выхаванні, аказанне своечасовай псіхолага-педагагічнай і інфармацыйнай дапамогі сем’ям, якія трапілі ў цяжкую жыццёвую сітуацыю;

арганізацыя эфектыўнага супрацоўніцтва і партнёрства бацькоў навучэнцаў і ўстановы адукацыі і г. д.

2.3. Асноўныя напрамкі дзейнасці бацькоўскага ўніверсітэта:

прававыя веды;

узроставая і сямейная псіхалогія;

педагогіка;

канструктыўнае ўзаемадзеянне.

2.4. Кіраўніцтва па кожнаму накірунку ажыццяўляе на дабравольнай аснове педагагічны работнік.

2.5. Арганізацыя адукацыйнага працэсу ва ўніверсітэце ажыццяўляецца на аснове запытаў бацькоў і законных прадстаўнікоў непаўналетніх.

2.6. Навучальны год у бацькоўскім універсітэце пачынаецца з  кастрычніка і заканчваецца не пазней  мая і складаецца з чатырох паседжанняў:

І – кастрычнік – лістапад;

ІІ  – снежань – студзень;

ІІІ – люты – сакавік;

ІV  – красавік – май.

2.7. Навучанне бацькоў можа ажыццяўляцца як вочна так і завочна (дыстанцыйна) па трох ступенях:

I ступень – «Маё дзіця – малодшы школьнік» - для бацькоў вучняў I-IV класаў,

II ступень «Маё дзіця – падлетак» - для бацькоў вучняў V-IX класаў,

2.8. Формы правядзення заняткаў:

традыцыйныя (лекцыі, гутаркі, круглыя сталы, дыскусіі, семінары-практыкумы, індывідуальныя гутаркі і кансультацыі, апытванне бацькоў па рознай тэматыцы, абмен вопытам работы і г. д.);

дыстанцыйныя (вебінары, форумы, on-line кансультацыі, размяшчэнне інфармацыі па актуальных пытаннях сямейнага выхавання на сайце школы, удзел у стварэнні рэкламных буклетаў, афармленне стэндаў, анкетаванне бацькоў, прыцягненне бацькоў да ўдзелу ў мерапрыемствах).

Умовы, парадак стварэння і кіраванне бацькоўскім універсітэтам

3.1. Умовы стварэння бацькоўскага універсітэта:

ствараецца на базе ДУА “Сіцькоўская  базавая школа”;

ствараецца на падставе загаду дырэктара школы і гэтага палажэння;

рэалізуецца ў кожным класе з законнымі прадстаўнікамі навучэнцаў;

за рэалізацыю бацькоўскага ўніверсітэта ў кожным класе адказвае класны кіраўнік;

заняткі праводзяцца не радзей за адзін раз у чвэрць;

кансультацыі для бацькоў праводзяцца ў адпаведнасці з планам работы;

бацькоўскі ўніверсітэт можа рэалізоўвацца ў вочнай і ў дыстанцыйнай форме, у выпадку пагаршэння эпідэміялагічнай сітуацыі толькі ў дыстанцыйнай форме;

на школьным інтэрнэт-сайце ствараецца раздзел (падраздзел) «бацькоўскі ўніверсітэт».

3.2. Каардынатар бацькоўскага ўніверсітэта:

нясе адказнасць за эфектыўнасць дзейнасці бацькоўскага ўніверсітэта;

каардынуе дзейнасць бацькоўскага ўніверсітэта;

ажыццяўляе ўзаемадзеянне з класнымі кіраўнікамі, сацыяльным педагогам;

падпісвае ўсе дакументы, якія тычацца дзейнасці бацькоўскага універсітэта, у межах сваёй кампетэнцыі;

вядзе ва ўстаноўленым парадку справаводства, пры неабходнасці складае справаздачную дакументацыю і прадстаўляе па запыце адпаведных дзяржаўных органаў звесткі аб рэалізацыі мерапрыемстваў бацькоўскага ўніверсітэта;

3.4. Дзейнасць бацькоўскага ўніверсітэта ажыццяўляецца ў адпаведнасці з дадзеным палажэннем, планам работы.

3.5.Падставай для пачатку і спынення дзейнасці бацькоўскага ўніверсітэта з’яўляюцца метадычныя рэкамендацыі Міністэрства адукацыі Рэспублікі Беларусь або іншы нарматыўны прававы дакумент Міністэрства адукацыі Рэспублікі Беларусь.

Структура бацькоўскага ўніверсітэта

4.1.Структуру бацькоўскага ўніверсітэта вызначае і зацвярджае дырэктар установы адукацыі.

4.2.Бацькоўскі ўніверсітэт можа выкарыстоўваць у працы наступныя памяшканні, неабходныя для забеспячэння яго дзейнасці: навучальныя кабінеты, кабінет педагога сацыяльнага, бібліятэку, актавую залу і інш.

4.3.Класныя кіраўнікі арганізоўваюць і праводзяць мерапрыемствы бацькоўскага ўніверсітэта ў рамках гадзін арганізацыйна-выхаваўчай работы і ў час шостага школьнага дня.

Дакументацыя.

загад ўстановы агульнай сярэдняй адукацыі аб арганізацыі работы бацькоўскага ўніверсітэта на базе школы;

Палажэнне аб бацькоўскім універсітэце;

план работы на навучальны год;

метадычныя матэрыялы, распрацоўкі, фотасправаздачы і іншыя матэрыялы, якія ствараюцца ў рамках работы бацькоўскага ўніверсітэта (размяшчаюцца на сайце ўстановы адукацыі, захоўваюцца ў электронным варыянце 1 год).

Парадак унясення змяненняў і (або) дапаўненняў у палажэнне

6.1. У сапраўднае Палажэнне могуць быць унесены неабходныя змены і (або) дапаўненні ва ўстаноўленым заканадаўствам парадку.

План работы

«Родительский университет»

в государственном учреждении образования

«Ситьковская базовая школа»

на 2024/2025 учебный год

I ступень – «Мой ребенок – младший школьник»

для родителей учащихся I-IV классов

II ступень – «Мой ребенок – подросток»

для родителей учащихся V-IX классов

КАТАЛОГ МАТЕРИАЛОВ ДЛЯ ПРОВЕДЕНИЯ ЗАНЯТИЙ С РОДИТЕЛЯМИ В РАМКАХ РЕСПУБЛИКАНСКОГО ПРОЕКТА «РОДИТЕЛЬСКИЙ УНИВЕРСИТЕТ» (на сайте https://roduniversitet.bspu.by)

РОЛЬ СЕМЕЙНЫХ ТРАДИЦИЙ В ВОСПИТАНИИ ДЕТЕЙ

Видеоролик «Влияние семьи на эмоциональное здоровье ребенка (советы родителям)»

Здоровая семья - здоровый ребёнок

Брошюра «Воспитание без насилия»

Методические материалы «Как помочь ребенку учиться?»

Брошюра «Самое важное о воспитании подростка»

Пройдите анкету